Snorri Ásmundsson fæddist á Akureyri árið 1966. Hann hefur haldið vel á annan tug einkasýninga og tekið þátt í fjölda samsýninga víða um heim. Snorri rak sýningarrýmið „The International Gallery of Snorri Ásmundsson“ í Listagilinu á Akureyri árið 1997 og hefur ásamt 7 öðrum listamönnum rekið Kling og bang gallerí, síðan 2003. Snorri er stórriddari Akureyrar-akademíunnar síðan 1999 og var gerður að heiðursborgara á Akureyri árið 2000. Hann stofnaði stjórnmálaflokkinn Vinstri hægri snú og var jafnframt borgarstjóraefni flokksins í borgarstjórnarkosningunum 2002. Flokkurinn tapaði naumlega. Snorri var gerður að heiðursborgara á Seyðisfirði í desember 2003 og í New York borg í janúar 2005. Snorri tilkynnti framboð sitt til embættis forseta Íslands í forsetakosningunum 2004, en dró framboð sitt til baka eftir að 5 ára dóttir hans bað hann um að vera “bara listamaður en ekki forseti”.

Orkuflámar Undanfarin ár hefur Snorri Ásmundsson þróað með sér andlega tækni í málaralist. Orkuflámamyndir hans eru taldar hafa lækningarmátt hafa vakið sterk áhrif hjá áhorfendum. Snorri segir um verkin; “Þetta hófst fyrir 10 árum þegar ég upptvötaði lífsorkuna sem stafar frá mér. Umframorkuna sendi ég í málverkin á meðan ég mála þau. Ýmsar athafnir eiga sér stað við gerð verkanna og þarf ég að vera í mjög góðu andlegu jafnvægi og sterku sambandi við minn æðri mátt til að senda þessa jákvæðu lækningaorku í verkin. Ég hef heyrt mjög magnaðar frásagnir frá eigendum verkanna sem hafa glatt mig og hvatt til að halda áfram að mála orkuflámamyndir. Stundum er löng bið á milli þess sem ég mála þær en eins og ég sagði þarf ég að vera í góðu andlegu jafnvægi til þess. Sumir kollegar mínir hafa sagt við mig að það sé ólíkt mér að gera svona verk, en ég er að virkja umframorku mína og leyfa fleirum að njóta hennar og þar liggur hundurinn grafinn. Orkuflámamálverkin eru því bæði sjónprýði og andleg batterí. Ég vil að heimurinn sé fallegur og ekki veitir af því að senda fallega orku og hugsanir um andrúmsloftið sem oft er þakið græðgi og gremju”

The Healing Paintings by Snorri Ásmundsson For th last years Snorri Ásmundsson has developed a spiritual painting technique. His Healing Paintings are known to have a Healing Power and have awoken strong reactions to those who have experienced the paintings. Snorri has this to say about the project; " It started 10 years ago when I realized the spirit of Life that shines from me. That's why I started giving the extra Power that I don't have to use for myself to the paintings. Many things can come up while I'm making the paintings so I have to be very well balanced and connected to my higher power to send this great healing power into the paintings. I've have very much enjoyed magnificent stories from owners of The Healing paintings which have encouraged me to keep up the work. Sometimes there are many months between the painting periods because like I said I have to be extremely mentally balanced to paint them. My colleagues have told me that they think it is so unlike me to make this kind of Art, but that's exactly where the dog lies buried; I'm using my extra power in other peoples advantage. The Healing paintings are not only beautiful but also a spiritual energy fund. I want the world to be beautiful and there is never enough beautiful power and thoughts going around in our atmosphere, that is so often filled with greed and rage"